Ahmed Shobier

شوبير عن تعرض حارس سمنود للهجوم: عجبني أن بعد الحملة اللي كانت على الحارس، جت حملة تعاطف معاه كبيرة جدًا أو حملة جبر خاطر زي ما بيقولوا يعني. في إيه يا جماعة؟ إحنا ليه كده؟ ليه عاملين في بعض كده؟.. سعيد جدًا بالناس اللي دافعت عنه وحملة جبر الخواطر، لكن حزين جدًا إن إحنا بقى أول رد فعل عندنا إننا نسخر من بعض، إيه ده! إيه القسوة دي؟! ليه كده؟ ليه بقينا قاسيين أوي كده على بعض؟ ده إحنا شعب طيب وجميل، ده إحنا شعب فينا الخير ليوم الدين.

شوبير ''تابعت بعض ردود الفعل في الأردن والعراق سواء كانت رسمية أو غير رسمية بشأن تعيين الكابتن حسام حسن مدربًا، في الأردن تحس إن الناس بيتمنوا حسام يبقى مدرب المنتخب، بطولة آسيا اتأجلت لمدة سنة ففي أريحية شوية بالنسبة للمدربين، لكن مفيش حاجة طلعت على المستوى الرسمي خالص، لكن الجماهير في الأردن بتحب حسام حسن، ده شيء مفروغ منه.. أما في العراق، سرمد عبد الإله نائب رئيس الاتحاد العراقي، نفى تمامًا فكرة التفاوض مع حسام لتدريب المنتخب، حاليًا في خلاف مع المدرب الحالي جراهام أرنولد اللي هينتهي عقده شهر فبراير القادم، يعني خلاص بعد 3 شهور، فالأقرب أن الاتحاد العراقي هيجيب مدرب جديد، بس لسه مستقروش على اسم''

''إيه القسوة دي؟!.. ارحموا نفسكم وارحموا الناس'' شوبير ينفعل بعد حملة الهجوم على حارس سمنود

''منتخب العراق أم منتخب الأردن؟'' شوبير يوضح وجهة حسام حسن القادمة

شوبير: إمبارح استقال شريف منير حسن من منصب مدير إدارة العلاقات العامة بنادي الزمالك، وكتب إن فيه صراعات ومؤامرة ومش عارف إيه، طبعا في معارضة فرحانين بالكلام ده، كنت أتمنى شريف يتناقش مع مجلس الإدارة. رغم أن مجلس إدارة الزمالك بيجيب أجوال في نفسه كل شوية، يعني مثلا المتحف الرقمي اللي اتعمل ده في أحد الفنادق وكان فخم، فالناس قالتلك طب ما أنت معاك فلوس أهو، فقالوا لأ ده لجنة الاستثمار هي اللي عملت كل ده، طب ما دام في فلوس ما تدوها للفريق، فيه مثلاً فريق كرة السلة ما عايزين فلوسهم، إزاي يبقى عندك مقر نادي زي الزمالك وتروح تعمله بره، طيب ما تعمل الاحتفالات دي داخل النادي، طالما أنت اللي هتتكفل بفلوسه مفيش مثلاً شركة راعية للحدث.

شوبير عن رحيل باسم علي من الجهاز الفني للمنتخب: باسم أعلن عن رحيله ومن بعدها بدأت الاجتهادات، في إيه؟ والحدوتة إيه؟! ومين في اتحاد الكرة مش عايزه! ومين الأيادي الخفية! وإحنا بنعشق نظرية المؤامرة، أصل اتحاد الكرة عايز يحط مين، أصل مش عارف إيه، مبدئيًا بلاش نظرية المؤامرة دي، والموضوع إنه ما أخدش الرخصة A وبالتالي ما ينفعش يكون موجود في الجهاز الفني، بس كده هي دي القصة كلها.

شوبير: لاعب مثلاً عنده 19 سنة بيلعب في وادي دجلة ولا البنك الأهلي ولا مودرن في أي نادي، هل يمكن لأي مدرب إنه يختاره؟ صعب جدًا، ده حسام حسن لما اختار حمزة عبد الكريم 18 سنة الدنيا قامت وما قعدتش على حسام إزاي تاخد لاعب عنده 18 سنة! إيه المانع أني أضم لاعب صغير وأديله الفرصة. حسام حسن لما عمل كده مع حمزة، خلى برشلونة اللي كان متردد شوية يضمه للفريق الأول ولا ميضموش، فلما لعب منتخب، راح متعاقد معاه وزود مدة عقده، وشارك في الدوري الإسباني وكان احتياطي في الكلاسيكو أمام ريال مدريد، إذا القصة لازم يكون عندك قلب جامد، لازم قناعات المدربين وفكر المدربين يتغير، خصوصا في الأندية الكبيرة.

شوبير ''في كلام انتشر أن الوداد المغربي هيقدم عرض رسمي للنادي الأهلي عشان يتعاقد على سبيل الإعارة مع سفيان بنجديدة، الأندية المغربية بصفة عامة بتعاني من أزمات مادية بقالها فترة، فالفلوس مش كتير، وسفيان بياخد مرتب كبير في النادي الأهلي، وهفترض أن الكلام اللي بيتكتب ده صحيح، ونفترض جدلاً أن الأهلي وافق على رحيل اللاعب، فيقوله خده واتحمل مرتبه، هل الوداد هيقدر يدفع الفلوس بتاعة بنجديدة؟ لأنه مرتبه عالي، هل ده هيحصل؟ أنا ما اعتقدش''

شوبير يعلق على تراجع الزمالك عن ضم مدرب أجنبي للجهاز المعاون لمعتمد جمال ''مين كان صاحب الفكرة؟ أكيد مجلس إدارة الزمالك، لأ، أكيد المشرف على الكورة، لأ، أصلاً مفيش مشرف على الكورة، أكيد مدير الكرة كابتن عبد الناصر محمد، لأ، أمال مين؟ حسام الزناتي! طب وحسام الزناتي بيشتغل في الزمالك؟! مجرد سؤال، بالله عليكوا بقالكم قد إيه بتسمعوا إن حسام هيبقى مدير رياضي؟، قالوا في التوقف الدولي، إحنا بدأنا التوقف خلاص، هل مقصود التوقف الدولي ده ولا اللي بعديه؟! يا جماعة متعملوش كده مع جمهور نادي الزمالك''

شوبير ''صعبان عليا كابتن حمادة صدقي لأن عدد كبير جدًا من لاعبي المنتخب الأولمبي مش بيشاركوا مع أنديتهم، طب أنا هحاسب المدرب إزاي؟! لازم اللاعيبة دي تلعب مع أنديتها، هاجي في النهاية أحاسب المدرب، هحاسبه على إيه وإزاي؟ لازم يتوفر لحمادة صدقي سُبل النجاح، عشان لما تيجي تحاسبه يكون حساب عادل''

شوبير يوجه نصيحة لمحمود ممدوح ''أوعى تروح المنتخب وأنت متخيل أنك لاعب صغير، لأ لأ، أنت لاعب كويس ومحترم ومهم، وبإيدك تعلي من مكانتك وتثبت نفسك وتحجز مكانك كأساسي في المنتخب.. التاريخ ممكن تصنعه والدنيا ممكن تتفتح قدامك لكن بشرط أنك تمسك في الفرصة بإيدك وأسنانك وخد زيكو كمثل لما انضم للمنتخب أول مرة''

شوبير عن قائمة منتخب مصر ''عدم ضم ياسر إبراهيم كان مفاجأة مدوية ليا، ياسر لعب زيه زي محمد هاني، انضم هاني ولم ينضم ياسر، ومن وجهة نظري إنه السبب أن علي ماهر معندوش وفرة في الباك رايت لكن عنده وفرة في مركز ياسر وضم 2 جداد، ضم محمود مرعي والونش، فهنا بتخش في سكة القناعات، وأرجو الكابتن علي ماهر يكون محضر إجابات لما يتسأل عن عدم ضم ياسر، لأن موقفه نفس موقف هاني''

محمد رمضان عضو مجلس الاتحاد السكندري : «هناخد البطولة من الأهلي».. وشوبير يرد "ابعدوا عن النادي الأهلي يا ميدو" #الناظر #الناظر_مع_شوبير

هل يخطف الأهلي جوهرة زعيم الثغر؟ 😲🔥محمد سلامة "رئيس الاتحاد السكندري" يحسم الجدل 👀 #الناظر #الناظر_مع_شوبير

امتى الاتحاد السكندري هياخد بطولة؟! .. رد قوي من محمد سلامة #الناظر #الناظر_مع_شوبير

محمد سلامة يكشف سر تطور الاتحاد السكندري مع حمزة الجمل هذا الموسم ويعلق : لسة مش مبسوط من الاداء #الناظر #الناظر_مع_شوبير

"عايزين نشوف استاد اسكندرية مليان" .. محمد سلامه يتغنى بجماهير الاتحاد السكندري ويوجه رسالة خاصة لهم #الناظر #الناظر_مع_شوبير

تصريحات خاصة من هانى ابو ريدة لـ الناظر حول رحيل حسام حسن وتفاصيل تعاقد الجهاز الفني الجديد لمنتخب مصر 🇪🇬 #الناظر #الناظر_مع_شوبير

محمد سلامة مع الناظر | الإتحاد السكندري يمتلك مجموعة من أفضل اللاعبين ونتطلع لتحقيق البطولات في هذا الموسم. #الناظر #الناظر_مع_شوبير