Denyse Mukunde

Ku wa Gatanu, tariki ya 6 Ugushyingo 2026, Umuyobozi Mpuzabikorwa w’Ikigo gishinzwe Itorero n’Umuco @mbanelson, yahaye Icyivugo Intore za @wasac_rwanda zitabiriye Itorero Indemyabuzima icyiciro cya 4, abasaba guharanira kurangwa n’indangagaciro zigikubiyemo mu mikorere yabo ya buri munsi. Icyivugo cyabo kiragira kiti: “Ndi Indemyabuzima mu Mbangukiramihigo, Ndi imbarutso y’umurimo unoze, Ndi nkore neza bandebereho, Ishema ryanjye ni uguha no kugeza amazi ku Banyarwanda, Ndi umutoza w’umurage wa Gihanga, Ndi umurinzi w’ibyagezweho, Nkaba ku isonga mu kubaka u Rwanda rushya, n’iterambere rya Afurika.”

Ce matin, le Secrétaire Permanent du MINUBUMWE, @Emahoro1, a reçu M. Kakpovi Bellarminus, Secrétaire Général au Ministère des Sports et de l’Engagement Civique du Bénin, accompagné de sa délégation. Les échanges ont porté sur le renforcement des connaissances et le partage d’expériences en matière d’engagement civique, ainsi que sur la mobilisation des jeunes autour de l’appropriation des valeurs positives fondées sur l’unité et la résilience des Rwandais.

“Rwandan unity has historical roots that the genocide did not erase. Indeed, Rwandans’ unity and national consciousness are documented in the writings of the earliest explorers and missionaries.” ✍️🏾: Jean-Damascène Bizimana (@DrDamascene ) The final part of a 10-part article series first appeared in Dialogue Review Special Edition No 211. newtimes.co.rw/article/40231…

Minisitiri @DrDamascene yagaragarije abitabiriye ibiganiro by'Ihuriro ry'Ubumwe n'Ubudaheranwa barimo abari abayobozi, abayobozi mu nzego zitandukanye, abahagarariye imiryango itegamiye kuri Leta, abayobozi b'amadini n'amatorero, abahagarariye abari n'abategarugori n'urubyiruko, urugendo rw'Ubumwe n'Ubudaheranwa bw'Abanyarwanda, aho Ubumwe bw'Abanyarwanda bwavuye ku gipimo cya 82.3% muri 2010 kikagera kuri 95.3% mu mwaka wa 2025. Ashingiye ku nyandiko n'ibimenyetso by'amateka, yagaragaje ivanguramoko ryaranze ubutegetsi bwa Prezida Kayibanda na Habyarimana mu nzego zitandukanye nk'imirimo ya Leta n'Uburezi kugeza bukoze Jenoside yakorewe Abatutsi mu 1994. Yavuze ko u Rwanda rwagize ibyago byo kuyoborwa n'abategetsi batigeze bibona nk'Abanyarwanda, yaba ari Prezida Kayibanda n'ishyaka rye PARMEHUTU cyangwa Habyarimana n'ishyaka rye MRND, ahubwo bahamyaga ko Abatutsi badakwiye kugira uburenganzira bumwe nk'ubw'abandi Banyarwanda. Yashimangiye ko Ubumwe n'Ubudaheranwa tumaze kugeraho tubukesha imiyoborere myiza dufite ubu turangajwe imbere na Prezida Paul Kagame. Yashoje ijambo ritangiza ibiganiro asaba abitabiriye Ihuriro ry'Ubumwe n'Ubudaheranwa kurangwa n'ukuri hagamijwe gukosora ibitaragenze neza mu mateka y'u Rwanda.

Dukomeje kuzirikana ukwezi kwahariwe kuzirikana #Ubumwe n' #Ubudaheranwa bw'Abanyarwanda tuganira. Uyu munsi, Minisitiri @DrDamascene yifatanyije mu biganiro n'abagize Ihuriro ry'Ubumwe n'Ubudaheranwa muri @CityofKigali na @BugeseraDistr bahuriye mu Karere ka @Gasabo_District ku cyicaro cy'Akarere. Ibi biganiro bigamije: - Kuganira ku mateka Igihugu cyacu cyanyuzemo hibandwa ku mwihariko wa buri hantu ibiganiro bibera - Kuganira ku ntambwe imaze guterwa mu rugendo rwo kwimakaza Ubumwe n'Ubudaheranwa bw'Abanyarwanda nyuma y'imyaka 32 Jenoside yakorewe Abatutsi ihagaritswe - Kurebera hamwe no gushaka ibisubizo ku nzitizi zikibangamiye Ubumwe n'Ubudaheranwa bw'Abanyarwanda. Ibi biganiro bizakomereza mu Ntara, Amahuriro y'ubumwe n'ubudaheranwa ahurire mu Turere twagenwe.

"Mbere y'iyi gahunda yo guca inzoga zitujuje ubuziranenge mwita Ibyuma abubaka inzu barakubwiraga bati ‘abafundi iyo ugeze saa yine urababura batangiye kwinywera ibyuma basinze', abandi bakamanuka ku bikwa bakikubita hasi, kandi ugasanga izo nzoga bazisutse mu ducupa tw’amazi bakabeshya ko ari amazi banywa, hashira iminota 30 ugasanga umuntu aradabagira adashobora guhagarara. Kuva Leta yafata icyemezo cyo kuzica abubakisha barakubwira bati ‘tubona abakozi bagakora kugeza ku mugoroba kandi bafite imbaraga.' Ni yo mpamvu gahunda yo guca Ibyuma tugomba kuyongeramo imbaraga kandi twese hamwe, dufatanyije." - Minisitiri @DrDamascene.

"Leta nk’umubyeyi urebera abaturage bayo, imaze gusanga izi nzoga z'Ibyuma ari ikibazo yafashe icyemezo cyo kuzica. Kuzica ni itegeko, ni amahitamo Leta yafashe. Zaracitse rwose ku kigero kinini ariko hari abakizihishe, bataratandukana n’Ibyuma bakibibitse ahantu, bibwira ko Leta izageraho igacogora, ijisho ryayo rigahuga, bagahishura ibyo bikarito, bakongera bakabinywa. Niba uzi umuntu wabitse Ibyuma dutungire agatoki ariko unamubwire ngo ubitse uburozi." - Minisitiri @DrDamascene #SoberGen #HeheNicyuma

"Umuryango utekanye ni yo soko ya byose. Icyo bivuga ni uko umuryango utekanye uba ufite ubuzima bwiza, imibereho myiza, ubukungu, iterambere, wishoboye. Umuryango ntushobora gutekana no kugira imibereho myiza igihe umwe mu bawugize cyangwa bose bafite ikibazo cyo gutakaza indangagaciro. Kimwe muri byo ni ugusabikwa n’ubusinzi buturuka ku nzoga zitujuje ubuziranenge zizwi nk’Ibyuma n’izindi zose. Icyuma murakizi? Icyuma kirakata, kiratema, kiraca, bivuze ko n’iyo kigiye mu mubiri w'umuntu kirawuca, gica umwijima, gica impyiko, gica igifu, byose birashira." "Kurwanya ibyuma ni igitego tugomba gutsinda, ntabwo ari amahitamo, ni inshingano. Tubifate nk’ibyacu kuko ni twe bifitiye inyungu." Ubutumwa Minisitiri @DrDamascene yahaye abaturage nyuma y'Umuganda, ku kibuga cy'Urwunge rw'Amashuri rwa Muhari, mu Murenge wa Gihundwe, Akarere ka @RusiziDistrict. #SoberGen #HeheNicyuma

Uyu munsi, Minisitiri @DrDamascene n’abandi bayobozi, bifatanyije n’urubyiruko rwo mu Karere ka @RusiziDistrict mu Muganda wihariye w’Urubyiruko usoza ukwezi kwa Cyenda wahujwe n’ubukangurambaga bwo kurwanya inyobwa ry’inzoga zitujuje ubuziranenge zizwi nk'Ibyuma, n’ikoreshwa ry'ibiyobyabwenge, ndetse no gushishikariza urubyiruko kugira imyitwarire iboneye, bihesha agaciro. Iki gikorwa cyabimburiwe n’ihangwa ry’umuhanda w’umugenderano mu Kagari ka Kamatita mu Murenge wa Gihundwe. #SoberGen #HeheNicyuma

"It is high time we increase support to the keepers of genuine truth, especially those who courageously tell our story including the Genocide against the Tutsi and its consequences. MINUBUMWE will continue to stand with "Dialogue", to pursue its cause to preserve our history and combat misinformation, not just in Rwanda, but also regionally and globally." …………………………………………………………….. "Il est grand temps d’accroître notre soutien à ceux qui préservent la vérité authentique, en particulier à ceux qui racontent courageusement notre histoire, notamment celle du génocide perpétré contre les Tutsi et de ses conséquences. Le MINUBUMWE continuera à soutenir La Revue Dialogue dans la poursuite de sa mission de préservation de notre histoire et de lutte contre la désinformation, non seulement au Rwanda, mais aussi aux niveaux régional et mondial." - @Emahoro1, Permanent Secretary | MINUBUMWE.

This evening at the @KigaliLibrary, Permanent Secretary @Emahoro1 joins a community of researchers, writers, authors and youth for the presentation of Special Edition No. 211 of Dialogue Review, discussing peace in the Great Lakes region, and the challenges including the spread of genocide ideology in the region.

Mu izina ry’abagororwa basoje aya mahugurwa, Mukamacumu Theresie, yashimye inyigisho bahawe kuko zabagaragarije ko Igihugu kibitayeho nubwo batatiye igihango cy'Ubunyarwanda bakagira uruhare muri Jenoside yakorewe Abatutsi; asobanura ko nyuma y'aya mahugurwa biyemeje ibi bikurikira: 👉Gufatanya n’abandi Banyarwanda mu kubaka Igihugu no gusigasira ibyagezweho, 👉Kurushaho gushimira Nyakubahwa Perezida wa Republika y’u Rwanda, Kagame Paul, uko ayoboye Igihugu kigendera ku mategeko kandi gishyira umuturage ku isonga, 👉Kuba igisubizo aho kuba ikibazo mu Banyarwanda, 👉Kuba umusemburo w’amahoro aho turi hose, 👉Gusobanurira abo dusanze ko icyaha ari kibi uko cyaba kimeze kose, 👉Kubwiza ukuri abo twakoreye icyaha, kubasaba imbabazi no kwiyunga na bo, 👉Kubwiza ukuri imiryango yacu, kubasaba imbabazi no kwiyunga na bo, 👉Guharanira kwigira no kwiteza imbere no guteza imbere Igihugu muri rusange, 👉Guhindura imyumvire n’imitekerereze, 👉Kubahiriza gahunda za Leta no kugendera ku ndangagaciro na kirazira by’umuco nyarwanda, 👉Kwirinda ingengabitekerezo ya Jenosiside no kwamagana uwo ari we wese wadusubiza mu mateka mabi twanyuzemo.

Uyu munsi, Umuyobozi Nshingwabikorwa ushinzwe Ubumwe bw’Abanyarwanda n’Ubudaheranwa, @alice_kayumba, yasoje icyiciro cya 9 cy’amahugurwa ku kwimakaza Ubumwe n’Ubudaheranwa agenewe abahamijwe kugira uruhare muri Jenoside yakorewe Abatutsi bitegura gusoza ibihano, yaberaga mu Igororero rya Nyamagabe kuva ku wa 31 Kanama 2026. Yasabye abagororwa 78 b’abagore bayitabiriye, ko inyigisho bahawe bakwiye kuzizirikana iteka zikabafasha guhinduka nyakuri biyemeza gutangira urugendo rushya rwubaka, ruzira amacakubiri n’ingengabitekerezo ya jenoside, ahubwo rushingiye ku mahitamo meza yo KUBA UMWE. Yasabye imiryango yabo ndetse n’umuryango nyarwanda muri rusange kwakira neza abarangiza ibihano, bakabagirira icyizere kuko bagororotse. Ati, “Ni ngombwa kongera kubana na bo nta kwishishanya n’urwikekwe, ahubwo mukabafasha gufatanya n’abandi mu rugendo rwo kwimakaza Ubumwe n’Ubudaheranwa.” Kuva aya mahugurwa atangiye umwaka ushize, hamaze guhugurwa abagororwa 2.103 barimo abagabo 1899 n'abagore 204.

"Imiryango yanyu na yo muyibwize ukuri, uwumva hari aho atarabwiza ukuri abana be, abuzukuru be, basaza be, ibyo wababeshye uve hano ufashe umwanzuro wo gutaha ukababwiza ukuri. Ibyo wakoze muri Jenoside yakorewe Abatutsi batazi, ibyo wabonye, ibyo wigishijwe n’urujijo wabashyizemo, ukwiye kubibasobanurira mu kuri. Kwerura ukemera ko wishe ni ibintu bigoye ariko ntabwo ari ibintu bidashoboka, birashoboka. Ubwiyunge buhera mu kuri, no gukira ku mutima bihera mu kuri. Nimugende mufashe imiryango yanyu, mubavane mu rujijo." Ubutumwa Minisitiri @DrDamascene yahaye abahamijwe kugira uruhare muri Jenoside yakorewe Abatutsi bitegura gusoza ibihano, bari mu mahugurwa ku kwimakaza Ubumwe n'Ubudaheranwa, mu Igororero rya Nyamagabe.